د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هغه سلګونه کسان چې له غور نه په قاچاقي ډول بهر ته تللي وو، بېرته راستانه شوي

هغه سلګونه کسان چې له غور نه په قاچاقي ډول بهر ته تللي وو، بېرته راستانه شوي

Oct 12, 2020 - 15:12

فېروزکوه (پژواک، ٢١ تله ۹۹): د غور د ګډوالو او راستنېدونکو چارو ریاست وایي، تر زرو ډېر هغه کسان چې په قاچاقي ډول له هېواده بهر تللي وو، په تېرو ۷ میاشتو کې بېرته دغه لایت ته ور ستانه شوي دي.

یو شمېر افغانان چې د بېکارۍ او اقتصادي ستونزو له امله د کار پیدا کولو لپاره ایران، پاکستان، ترکیې او اروپایي هېوادونو ته ځي، د لارې په اوږدو کې له ډېرو ستونزو سره مخ کېږي، ځیني په لارو کې خپل ژوند له لاسه ورکوي او یو شمېر نو هغه یې بېرته رد مرز کېږي.

د غور د ګډوالو او راستنېدونکو چارو رییس عبدالرووف غفوري پژواک خبري اژانس ته وویل، د هغو معلوماتو له مخې چې له دې ادارې سره ثبت شوي، د روان کال په لومړیو ۷ میاشتو کې تر زرو ډېر افغانان چې د کار لپاره د غور د سرحد له لارې ایران، پاکستان او ترکیې ته تللي وو؛ د ستونزو له امله یا رد مرز شوي او یا هم بېرته راستانه شوي دي.

هغه زیاته کړه چې قاچاق وړونکي ځوانان او ماشومان له هېواده بهر د ښه او هوسا ژوند کولو په موخه غولوي او یرغمل کوي یې څو وکولای شي ډېرې پیسې ترلاسه کړي.

نوموړي دغه وضعیت د اندېښنې وړ وباله او ویې ویل چې د کډوالو له نړیوال سازمان (IOM) سره په مرسته یې د دغه شمېر راستنو شوو کسانو لپاره خوراکي او غیرخوراکي توکي او دغه راز نغدې پیسې مرسته کړې ده.

بلخوا د غور د والي ویاند عارف عابد پژواک خبري اژانس ته وویل چې له مودو راهیسې ځوانانو د مختلفو لاملونو له امله ځانونو انساني قاچاق وړونکو ته سپاري او د بهرنیو هېوادونو په موخه یې خپل هېواد ته شا کړې ده او له ډېرو ستونزو سره مخ شوي دي.

هغه زیاته کړه چې دولت له مرسته کوونکو بنسټونو سره په همغږۍ هر وخت هڅه کړې ده چې د هغو کسانو لپاره چې در مرز یا بېرته راستنیږي، د کار زمینه برابره کړي او له هغوی سره هم د خواراکي او غیری خوارکي توکو او دغه راز د نغدو پیسو مرسته وکړي.

نوموړي له جزئیاتو پرته وویل چې د غور سیمه ییزه اداره د کار موندنې په برخه کې له مرسته کوونکو موسسو سره په همکارۍ د دغو ډول کسانو لپاره چې رد مز کیږي؛ کار کوي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan