د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

​ دفاع وزارت: هلمند کې دوه چورلکې لوېدلې او نهه سرتېري په کې وژل شوي

​ دفاع وزارت: هلمند کې دوه چورلکې لوېدلې او نهه سرتېري په کې وژل شوي

Oct 14, 2020 - 09:19

لومړى تعقيب-لښکرګاه (پژواک، ٢٣ تله ٩٩): د ملي دفاع وزارت وايي چې د هلمند په ناوې ولسوالۍ کې د ملي اردو دوه چورلکې د تخنيکي ستونزې له امله لوېدلي او نهه سرتېري په کې وژل شوي دي.

په یاد ولایت کې يوې امنيتي سرچينې د تلې په ٢٣مه پژواک خبري اژانس ته وويل چې تېره شپه په ناوې ولسوالۍ کې د ملي اردو دوو چورلکو په هوا کې ټکر کړی او لوېدلې دي.

سرچينه وايي چې په دې پېښه کې د ملي اردو اته سرتېري وژل شوي دي.

خو د ملي دفاع وزارت د يوې خبرپاڼې په خپرولو سره ويلي چې په دې پېښه کې د ملي اردو نهه سرتېري وژل شوي دي.

سرچينه زياتوي: ((د هلمند په ناوې ولسوالۍ کې د ملي اردو دوه چورلکې (MI-١٧) تېره شپه په لس او ١٥ دقيقو د يوه ټپي د انتقال لپاره ورغلې وې چې د بېرته پورته کېدو پرمهال له تخنيکي ستونزې سره مخ شوي او دواړه سقوط شوې دي.))

د ملي دفاع وزارت وايي چې دوى دغه پېښه په جدي ډول څېړي.

په ورته وخت کې د هلمند د والي وياند عمرځواک هم د چورلکو غورځېدو پېښه تاييدوي خو وايي چې په اړه يې څېړنې روانې دي او د مرګ ژوبلې په اړه يې تر اوسه معلومات نشته.

بل لور ته د طالبانو رسمي وياندويانو تراوسه په دې اړه څه نه دي ويلي.

خو د طالبانو د فرهنګي کمېسيون مرستيال احمد الله واثق په خپله ټوېټرپاڼه کې ليکلي چې دغه چورلکې د طالبانو له لوري ويشتل شوي او سقوط شوې دي.

دا په داسې حال کې ده چې له تېرې شپې راهيسې وسله والو طالبانو د ناوې-لښکرګاه لويه لار هم تړلې ده.

د يادونې ده، له تېرو څو ورځو راهيسې په هلمند کې امنيتي ځواکونو د ځمکې او هوا له لارې پر وسله والو طالبانو عمليات پيل کړي دي.

د هلمند والي محمد ياسين وايي چې په دغو عملياتو کې لسګونو طالبانو ته مرګ ژوبله اوښتې ده.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan