د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"له دين څخه سياسي ګټه پورته کول ستر جرم دى"

"له دين څخه سياسي ګټه پورته کول ستر جرم دى"

Nov 02, 2020 - 15:42

کابل  (پژواک، ١٢ لړم ٩٩) : د سعودی عربستان د اسلامي چارو وزير ويلي چې  د اسلام پر ضد تر ټولو ستر جنايت او جرم هغه دى چې دين د سياسي ګټو او موخو لپاره وکارول شي.

ډاکټر شيخ عبداللطيف الشيخ له سعودي رسنيو سره په يوه ځانګړې مرکه کې ويلي : " موږ په خپل ژوند کې دا تريخ حقيقت ګورو چې ډېرى خلک له دين څخه ناوړه ګټه پورته کوي او دا د سياسي موخو لپاره کاروي. "

هغه د فرانسې په پلازمېنه پاريس ښار کې د وروستيو بريدونو د غندلو ترڅنګ ويلي، دا ډول جرمي کړنې په اسلام پورې تړل نه دي پکار .

د يادونې ده، چې د فرانسې د ولسمشر له خوا د اسلام د ستر پيغمبر پر وړاندې له ګستاخانه څرګندونو وروسته په فرانسه کې د بېلا بېلو پېښو پر مهال يو شمېر کسانو ته مرګ ژوبله اوښتې ده.

د سعودي د اسلامي چارو وزير ويلي، چې دا يو ډول شخصي شيطاني عملونه دي چې د ناروغه کسانو له خوا ترسره کېږي.

د هغه په وينا، اسلام او مسلمانان له دا ډول کړنو سره مخالف دي، ځکه چې اسلام د بشري حقونو او د بشر د ژوندانه پر خونديتوب ټينګار کوي.

الشيخ ويلي: "موږ د نړۍ په هر ګوټ کې د هر هغه چا پر وژنې خپه کيږو چې په ترهګريزو پېښو کې ژوند له لاسه ورکوي، دا ډول ترهګريزې پېښې له اسلام او دين سره هيڅ ډول تړاو نه لري. "

نوموړي زياته کړه، دا ډول جرمي کړنې شخصي دي او بايد له اسلام او مسلمانانو سره تړاو ورنه کړل شي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan