د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سرچينه: لوګر کې اتو سرتېرو ته مرګ ژوبله اوښتې

سرچينه: لوګر کې اتو سرتېرو ته مرګ ژوبله اوښتې

Nov 08, 2020 - 11:15

پل علم (پژاوک، ۱۸ لړم ۹۹): په لوګر کې د طالبانو په هوايي بريد او د ماين په چاودنه کې يو سرتېرى وژل شوى او اووه نور ټپيان شوي دي.

په لوګر کې يوې امنيتي سرچينې د نوم نه اخيستو په شرط د لړم په ١٨مه پژواک خبري اژانس ته وويل چې تېره ورځ ماښام مهال وسله والو طالبانو له ډرون کامرې څخه په استفادې پر امنيتي ځواکونو د نارنجک بم بريد کړى دى.

سرچينه وايي چې په دغه بريد کې دوه سرتېري ټپيان شوي دي.

د سرچينې په خبره، روغتون ته د ټپیانو له انتقال وروسته د بېرته راتګ پر مهال د وسله والو مخالفينو له خوا د ځای پر ځای شوي ماين په چاودنه کې يو سرتېری وژل شوى او پنځه نور ټپيان شوي دي.

خو د لوګر د والي وياند ديدار لونګ وايي چې په بره کي برک ولسوالۍ کې د ماين چاودنې له امله د ملي امنيت يو سرتېری وژل شوی او د ياد ارګان د يوه سرتېري په ګډون درې پوليس ټپيان شوي دي.

لونګ له ډرون کامرې د ماين غورځول نه مني او وايي چې يوازې د ماين چاودنه شوې ده.

دا په داسې حال کې ده چې تېره اوونۍ هم په څرخ ولسوالۍ کې د وسله والو طالبانو له خوا په ډرون بريد کې دوه پوليس ټپيان شوي وو.

د يادونې ده چې تر دې وړاندې وسله والو طالبانو په پکتيا او کندوز کې هم د ډرون کامرو په وسيله پر امنيتي ځواکونو بريدونه کړي او مرګ ژوبله يې ورته اړولې ده.

بل لورته وسله والو طالبانو تر اوسه د ډرون کامرو په وسيله د بريد کولو په اړه څه نه دي ويلي.

خو څو ورځې وړاندې د وسله والو طالبانو وياند ذبيح الله مجاهد پژواک ته وويل چې په دې اړه معلومات کوي او بيا يې له پژواک سره شريکوي، خو تر اوسه يې دغه کار نه دى کړى.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan