د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په نړۍ کې د کرونا ناروغانو شمېر ٥٠ ميليونه کسانو ته ورسېد

په نړۍ کې د کرونا ناروغانو شمېر ٥٠ ميليونه کسانو ته ورسېد

Nov 08, 2020 - 15:59

کابل (پژواک، ١٨ لړم ۹۹): د راپورونو له مخې، په ټوله نړۍ کې د کرونا ويروس د ناروغانو شمېر ٥٠ ميليونو کسانو ته رسېدلی چې يواځې ١٠ ميليونه يې په امريکا کې دي.

د کرونا ويروس چې شاوخوا يوولس مياشتې مخکې لومړى د چين په اووهان ښار کې پیدا شو، وروسته د نړۍ په شاوخوا ٢٠٠ هېوادونو او سیمو کې خپور شو، اوس په ډېرو هېوادونو کې کنټرول شوى، خو په ځېنو هېوادونو کې يې دويمه څپه پيل شوې ده.

د امريکا د جان هاپکنز پوهنتون د معلوماتو له مخې چې د کرونا ناروغۍ په اړه معلومات او ارقام خپروي، تر نن مازديګر پورې په ټوله نړۍ کې د کرونا ناروغانو شمېر ٥٠ میلیونه کسانو ته رسېدلى دى.

دغې سرچينې زياته کړې چې تر اوسه څه باندې ٣٥ ميليونه ناروغان له دې ناروغۍ بېرته روغ شوي او يو ميليون، ٢٥٧ زره کسان مړه شوي دي.

له امريکا وروسته په هندوستان کې اته نيم ميليونه او په برازيل کې پنځه نيم ميليونه کسان پر کرونا اخته شوي دي.

د راپورونو له مخې، په امريکا کې ٢٤٣ زره،  په هندوستان کې ١٢٦ او په برازيل کې ١٦٢ زره کسان له کرونا مړه شوي دي.

دغه راز روسيه، کولمبيا، مکسيکو، سوېلي افريقا، هسپانیه، ارجنټاين، چيلي، برېتانیا، ایټالیا، جرمني، ایران، ترکیه او پیرو هغه هېوادونه دي چې په کې د کرونا د ناروغانو او مړو شمېر ډېر دی.

په افغانستان کې تر اوسه ٤٢زره زره کسان پر کرونا اخته شوي، ١٥٦٢ کسان مړه او شاوخوا ٣٥زره کسان بېرته روغ شوي دي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan