د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په نړۍ کې د کرونا ناروغانو شمېر له ٥٦ميليونو څخه واوښت

په نړۍ کې د کرونا ناروغانو شمېر له ٥٦ميليونو څخه واوښت

Nov 19, 2020 - 14:52

کابل (پژواک، ٢٩ لړم ۹۹): د راپورونو له مخې، په ټوله نړۍ کې د کرونا ويروس د ناروغانو شمېر له ٥٦ ميليونو کسانو څخه اوښتى چې يواځې ١١ ميليونه يې په امريکا کې دي.

د کرونا ويروس چې يو کال وړاندې لومړى د چين په اووهان ښار کې پیدا شو، وروسته د نړۍ په شاوخوا ٢٠٠ هېوادونو او سیمو کې خپور شو، اوس په ډېرو هېوادونو کې کنټرول شوى، خو په ځينو هېوادونو کې يې دويمه څپه پيل شوې ده.

د امريکا د جان هاپکنز پوهنتون د معلوماتو له مخې چې د کرونا ناروغۍ په اړه معلومات او ارقام خپروي، تر نن مازديګره پورې په ټوله نړۍ کې د کرونا ناروغانو شمېر له ٥٦ ميليونه کسانو څخه اوښتى دى.

دغې سرچينې زياته کړې چې تر اوسه څه باندې ٣٩ ميليونه ناروغان له دې ناروغۍ بېرته روغ شوي او يو ميليون، ٣٣٥  زره کسان مړه شوي دي.

د ياد پوهنتون د معلوماتو له مخې، هره ورځ په ټوله نړۍ کې څه دپاسه ٢٥٠ زره کسان پر کرونا اخته او شاوخوا پنځه زره کسان مړه کېږي.

د راپورونو له مخې، د ټولې نړۍ د کرونا ناروغانو شاوخوا ٢٠ سلنه يې يواځې په امريکا کې دي، هلته ١١ ميليونه او ٨٨٠ زره کسان، په هندوستان کې اته ميليونه او ٩٠٠ زره او په برازيل کې پنځه ميليونه او ٩٠٠ زره کسان پر کرونا اخته شوي دي.

د راپورونو له مخې، په امريکا کې ٢٥٦ زره، په هندوستان کې ١٣١ او په برازيل کې ١٦٧ زره کسان د کرونا له امله مړه شوي دي.

دغه راز روسيه، کولمبيا، مکسيکو، سوېلي افريقا، هسپانیه، ارجنټاين، چيلي، برېتانیا، ایټالیا، جرمني، ایران، ترکیه او پیرو هغه هېوادونه دي چې په کې د کرونا د ناروغانو او مړو شمېر ډېر دی.

په افغانستان کې تراوسه ٤٤ زره کسان پر کرونا اخته شوي، ١٦٥٠ کسان مړه او شاوخوا ٣٥زره کسان بېرته روغ شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan